Кээде кызыктуу дизайн ойлоп, аны ишке ашыраарда сүйкүмдүү, кооз арип тандай албай куурайсың. Тандап тапсаң, дээрлик баардык учурда эле биздин легендарлуу ӨҮҢ тамгаларын колдобой калат.
Ошондуктан, мүмкүн мага окшоп, жүдөп жаткан адамдарга, бул көйгөйдөн чыгуу үчүн, керек болчу ресурстарды шилтеп берейин деп чечтим.
1. Артемий Лебедевдин студиясы
Бул сөгүнчөк аксакал көп жакшы нерселерди кылат. Эгер көңүл бурсаңар, анын студиясында кыргыз тилин колдогон шрифттер да жарыяланган. Каалаган шрифтти бул сайттан сатып алсаңар болот:
2. Fontspring
Арип сатып алчу мыкты жер, деп бул сайттын өзү айтат. Төмөнкү шилтемеде кыргыз кириллицасын колдогон ариптер жыйналган. Ариптерди лицензиясы менен 2000 сомдон жогору баада сатып алсаңар болот. Мен айта кетчү нерсе, ариптердин кээ бир дизайндары бекер:
3. Fontspace
Бул сайтта дизайнерлер үчүн 100 пайыз бекер шрифттер жайгашкан. Шилтеменин баяндамасы боюнча кыргыз тилин колдогон 328 арип бар.
Ушундай. Эгер булардан башка дагы ресурстарды билсеңер, төмөн жакка билдирип коюңуздар. Бирок, андан да мыктысы өзүңүз ойлоп тапкан дизайн болмок. Эгер билбесеңиз, арип дизайны жөнүндө бул жерде жазылган(англисче).