Бул тандоодо, убакыт менен текшерилген сайт куруучулар менен тааныштырам. Эгер сиз кичи бизнестин ээси, дизайнер, видеограф, фотосүрөтчү же башка чыгармачыл кесиптин ээси болсоңуз, бул тизмеде өзүңүзгө эң ылайыктуу аянтты тандап алсаңыз болот.
WordPress
Бул, дүйнөдөгү эң эле популярдуу жана эң кенен таралган сайт куруучу болушу керек. Расмий булактарынын айтуусунда, дүйнөдөгү сайттардын 28 пайызы WordPressти колдонуу менен жасалган. WordPress чынында эле мыкты. Бирок, тажрыйбабызга таянсак колдонууда "салмактуу" сезилет.
Tilda
Орусиянын эң популярдуу конструктору. Негизи Landing барактарынын конструктору деп эсептелинет. Бирок Tilda менен Дүкөн, Блог ал түгүл Иш-чаранын дагы барагын ачсаңыз болот.
Webflow
Айдентикасына карасак, өтө заманбап куруучу. Куруучу экенинен да кам санап кетишиңиз мүмкүн. Бирок, бул платформада кызыктуу сайттарды эч код жазбастан жасап алсаңыз болот. Бекер шаблондору менен төмөндөгү шилтемелер аркылуу тааныша аласыз.
Wix
Эң эле жарнамаланган сайт куруучу. Бир жакшы жери, ийкемдүү. Бир жаман жери болсо, сиз курган сайттын көрүнүктүү жерине логотибин кеңири орнотуп коёт. Эгер бул нерсе тоскоол кылбаса, бул куруучунун кең мүмкүнчүлүктөрүн колдонуп, көп пайда таба аласыз.
Weebly
Абройлуу сайт куруучу платформасы. Бул конструктордо долбооруңузду жарыялоодо сайтыңызды олуттуу контент менен толуктаганды унутпаңыз. Антепесе, жарыяланбай калышы мүмкүн. Кээ бир учурда, долбооруңузду тастыктоодон өткөрүп калышыңыз ыктымал.
Jimdo
Jimdo немис сайт куруучусу. Мурдагы баяндамасы боюнча, бул дагы гаражда, достор менен ачылган долбоор. Конструктордо жакшы дизайндарды тапса болот жана колдонуу ыңгайлуу.
Mozello
Mozello көптөн бери бул чөйрөдө кызмат көрсөтүп келет. Бирок, өтө популярдуу эмес. Менин оюмча чала бааланган куруучу. Бул жактан бизнес, блог, интернет-дүкөндөр үчүн минималдуу сайттарды ача аласыз.
Ал эми сиз кыргыз тилдүү коомчулукка жакын болгуңуз келсе, анда сиз үчүн макала даярдап койгонбуз. Биринчи макалаңызды жазуунун жолдору менен таанышып чыгыңыз:
Janybek
