Инвестиция – бул белгилүү бир убакыт ичинде нарктын өсүшүнө жетүү үчүн активдин арналышы. Инвестиция убакыт, акча же күч сыяктуу колдогу активдерди курмандыкка чалууну талап кылат.

Каржы тармагында инвестирлөөнүн максаты жумшалган активден киреше табуу болуп саналат. Жооп(инвестиңиянын рентабелүдүүлүгү, англ. ROI) мүлктү, инвестицияларды сатуудагы кирешеден(пайдадан) же жоготуудан, же капиталдын ишке ашпаган киреше өсүүсүнөн(б.а амортизация), же дивиденддер, проценттик пайдалар же ижара кирешеси сыяктуу инвестициялык кирешелерден, же капиталдын өсүүсү(capital gain) менен кирешенин комбинациясынан турушу мүмкүн.

Киреше ошондой эле чет өлкөлүк валютанын курстарынын өзгөрүшүнө байланыштуу валюталык кирешелерди же жоготууларды камтышы мүмкүн.

Инвесторлор көбүнчө тобокелдүү инвестициялардан жогорку кирешени күтүшөт. Тобокелдиктери аз инвестиция жасалганда, киреше да жалпысынан төмөн. Ошо сыяктуу эле, жогорку тобокелдик жогорку киреше алуу мүмкүнчүлүгү менен келет.

Инвесторлорго, айрыкча жаңыдан келгендерге портфелдерин диверсификациялоо сунушталат. Диверсификация жалпы тобокелдикти төмөндөтүүчү статистикалык эффектке ээ.